წარმოიდგინე, რომ ინტერნეტი ერთი გიგანტური, ჯადოსნური ქალაქია, სადაც ყველაფერია: თამაშები, სკოლა, მეგობრები და ბიბლიოთეკები. მაგრამ, როგორც ნამდვილ ქალაქში, აქაც უნდა ვიცოდეთ, როგორ დავიცვათ თავი.
1. რთული პაროლი - შენი ციხესიმაგრის გასაღები
პაროლი შენი საიდუმლოა. ის არ უნდა იყოს შენი სახელი ან „12345“.
წესი: გამოიყენე დიდი და პატარა ასოები, ციფრები და სიმბოლოები (მაგალითად:
Moxaruli_Dino2026!).დაიმახსოვრე: პაროლს არავის ვეუბნებით, საუკეთესო მეგობარსაც კი!
2. უცნობებს არ ვენდობით
თამაშებში ან სოციალურ ქსელებში შეიძლება ვინმე „დაგიმეგობრდეს“.
ფრთხილად: ინტერნეტში ადამიანმა შეიძლება სხვა სახელი და ფოტო გამოიყენოს. თუ უცნობი გწერს, გთხოვს ფოტოს ან გეკითხება, სად ცხოვრობ - არ უპასუხო!
მოქმედება: მაშინვე უთხარი მშობლებს ან მასწავლებელს.
3. საეჭვო ლინკები და „საჩუქრები“
თუ ეკრანზე ამოხტა წარწერა: „გილოცავ! შენ მოიგე iPhone! დააჭირე აქ“, ეს ტყუილია.
საფრთხე: ასეთ ლინკებზე დაჭერით კომპიუტერში შეიძლება „ვირუსი“ შემოუშვა, რომელიც შენს ფოტოებს ან ფაილებს დააზიანებს.
წესი: თუ არ იცი, რა არის - არ დააჭირო!
4. დაიცავი ,,ციფრული ეტიკეტი"
ის, რაც ინტერნეტში იწერება, იქ რჩება.
რჩევა: ნუ მისწერ სხვას იმას, რასაც პირადად არ ეტყოდი. ინტერნეტში ბულინგი (სხვების დაცინვა) ისეთივე ცუდია, როგორც სკოლის ეზოში.
5. პირადი ინფორმაცია საიდუმლოა
არასოდეს დაწერო საჯაროდ:
შენი სახლის მისამართი;
ტელეფონის ნომერი;
რომელ სკოლაში დადიხარ და რომელ საათზე ბრუნდები სახლში.
ოქროს რჩევა: თუ ინტერნეტში რაღაცამ შეგაშინა, მოგაწყინა ან დაგაბნია, არ შეგეშინდეს - გამორთე ეკრანი და მაშინვე მიმართე უფროსს
No comments:
Post a Comment